Манчестер Јунајтед тргнува во офанзива на стартот од летниот преоден рок. Се споменуваат многу имиња како потенцијални засилувања на „црвените ѓаволи“, а еден од нив е и фудбалерот на Ајакс, Бразилецот Ентони.
Новиот менаџер на Јунајтед, Ерик тен Хаг до вчера го тренираше 22-годишниот офанзивец во Амстердам, а сега сака да го земе со себе на „Олд Трафорд“. Сепак, тоа нема да биде лесно.
Според медиумите на Островот, Манчестер Јунајтед ја испратил првата официјална понуда за крилниот напаѓач вредна 45 милиони евра до Ајакс. Сепак, речиси е сигурно дека раководството на холандскиот шампион ќе ја одбие.
Раководството на Ајакс има силна стартна позиција за водење на преговори со оглед дека Ентони има уште три години од актуелниот договор.
Сезонава тој одигра 33 натпревари во холандската Ередивизие, постигна 12 гола и забележа осум асистенции.
