Новиот менаџер на Манчестер Јунајтед Ерик тен Хаг ќе се обиде на „Олд Трафорд“ да го доведе десниот бек на Интер, Дензел Дамфрис. Тој треба да биде замена за Арон Ван-Бисака кој многу веројатно ќе замине од клубот.
Интер за Дамфрис минатото лето на ПСВ Ајндховен му плати 14 милиони евра, а неговата вредност сега е речиси тројно зголемена. Но, Манчестер Јунајтед нема проблем да ги плати тие пари.
Холанѓанецот брзо се промовираше во еден од носителите на играта во тимот на Симоне Инзаги Оваа сезона досега одигра 41 натпревар, постигна пет гола и забележа седум асистенции во сите натпреварувања.
