Белгија треба да влезе во својот осминафинален натпревар на ЕВРО 2024 против Франција со голема самодоверба, ако сака да има шанса да продолжи напред, истакна селекторот Доменико Тедеско. Двете селекции стигнаа до овој натпревар по различен пат, а нивниот меѓусебен дуел е во Диселдорф од 18 часот.
Тедеско изрази загриженост дека играчите изгубиле дел од својата самоувереност поради бесните реакции на навивачите по нерешениот резултат (0-0) со Украина во завршницата на групната фаза. Бодот го осигура пласманот на „црвените ѓаволи“, но навивачите останаа разочарани од пасивната игра на тимот.
Ако постои сличен момент меѓу двете селекции, тој истакна дека исто така Франција не беше особено убедлива во групната фаза, каде заврши втора во групата „Д“.
„Од почетокот треба да бидеме одважни на теренот. Сакаме да го започнеме натпреварот со силна верба во нашите можности. Работевме на ова во последните 2-3 дена, бидејќи ако немаш верба, тогаш немаш ништо”, изјави италијанскиот стручњак на кормилото на Белгијците.
Тој објасни дека атмосферата во соблекувалната е одлична.
„Морам да кажам дека расположението е фантастично од првиот ден во тимот. Се забавуваме и уживаме во времето заедно“, истакна Тедеско.
