Суперкомпјутерот на статистичката платформа „Опта“ ги пресмета фаворитите за пласман во четвртфиналето како и освојувачот на ЕП. До крајот на ЕВРО 2024 во Германија остануваат уште 14 натпревари, а првите од осумте натпревари во осминафиналето се на програмата утре, Швајцарија – Италија и Германија – Данска.
Суперкомпјутерот работи на статистички модел кој процентите за победа на некоја екипа ги пресметува врз основа на коефициентите од обложувалниците и Opta Power Rankings, кој се заснова на историски критериуми и неодамнешни резултати на екипите.
Компјутерот илјадници пати прави симулација на натпреварите. По анализата, се доаѓа до конечната прогноза.
Прогноза на суперкомпјутерот за осминафиналето на ЕП
Шпанија – Грузија | 82.12% – 17.87%
Англија – Словачка | 81.63% – 18.37%
Португалија – Словенија | 74.51% – 25.49%
Германија – Данска | 69.48% – 30.52%
Франција – Белгија | 67.91% – 32.09%
Холандија – Романија | 67.79% – 32.21%
Австрија – Турција | 57.65% – 42.35%
Италија – Швајцарија | 56.96% – 43.04%
Интересно, па дури и сензационално е дека суперкомпјутерот најмногу шанси (38.1%) за пласман во финалето ѝ дава на Англија, најголемото разочарување од сите кои се пробија во нокаут-фазата. Според прогнозите, нејзин противник во финалето ќе биде Шпанија.
Репрезентацијата која доби најмногу пофалби на ЕП има 27.14% шанси да дојде до натпреварот за титулата. Сепак, суперкомпјутерот предвидува дека таму ќе победи Англија. Од сите преостанати на ЕП, таа има најголеми шанси (19.98%) да ја освои титулата, додека Шпанија е зад неа со 17.17%.
