Струга ТЛ тргнува во одбрана на титулата, Гостивар прв предизвикувач

Шампионот Струга Трим Лум сѐ уште е „жив“ во Европа, оствари историски победи во Конференциската лига каде го очекува двомеч со Есперанж (Луксембург), но сега тоа за момент е во втор план кај тренерот Шпетим Дуро и кај фудбалерите, затоа што денеска (17 часот) на домашен терен ја почнуваат одбраната на титулата. Прв предизвикувач е новиот прволигаш Гостивар, кој сериозно го засили тимот за новата сезона.

„Струга ТЛ е шампион и сега секој ривал ќе сака да нѐ победи, сите ќе имаат максимален мотив против нас. Но, тимот е подготвен“, вели Шпетим Дуро.

Гостивар има сериозен состав, го купија Алпер Потук, поранешен турски репрезентативец кој долги години беше член на Фенербахче, на голот ќе биде Васко Василев, во нападот дојде и Ремзифаик Селмани.

Ќе биде тоа сериозен тест за Струга ТЛ уште на стартот од шампионатот.

ПРВА ФУДБАЛСКА ЛИГА, 1. КОЛО (17 часот)

ВОСКА – ШКЕНДИЈА

СТРУГА ТЛ – ГОСТИВАР

АП БРЕРА СТРУМИЦА – ВАРДАР

БРЕГАЛНИЦА – СИЛЕКС

ТИКВЕШ – МАКЕДОНИЈА ЃП

УТРЕ: РАБОТНИЧКИ – ШКУПИ