Струга ТЛ купи босански голман

Македонскиот првак Струга Трим Лум почна со ангажман на нови засилувања. Стружани се засилија на голманската позиција носејќи го босанскиот чувар на мрежата Филип Дујмовиќ. Тој е поранешен младински репрезентативец на БиХ, а во изминатите шест месеци бранеше за Железничар Сараево.

Минатата сезона Филип Дујмовиќ ја почна како голман на романскиот клуб Динамо Букурешт, а претходно има настапувано и за Раднички Ниш и за Спартак Суботица.