Струга ТЛ ја почувствува атмосферата во Ереван и подготвена е за успех (ФОТО)

Фудбалерите на Струга Трим Лум го одработија официјалниот тренинг на стадионот „Вазген Саргсијан“ во Ереван, каде утре од 18 часот ќе го играат реванш натпреварот од второто квалификациско коло во Конференциската лига. Стружани понесоа еден гол предност (2-1) од првиот меч во Охрид, но ќе мора да одиграат навистина перфектно доколку сакаат да го елиминираат Пјуник.

Ерменскиот тим досега беше посебно непријатен за екипите од Македонија, но Струга ТЛ успеа да ја урне таа традиција со триумфот на првиот натпревар.