Лидерот Струга Трим успеа да слави важен триумф на гости (1-2) против Силекс во Кратово и се зацврсти на првото место на табелата во Првата лига со 33 бода.
Бесарт Ибраими од пенал во 11.минута донесе водство за гостите, а Силекс во 22.минута остана со играч помалку на теренот откако беше исклучен Арсим Љамалари.
Во 25.минута Христијан Малески зголеми на 0-2 и беше јасно дека стружани се блиску до триумф.
Во 83.минута, Силекс постигна гол преку Марјан Ристовски, но кратовци немаа сили за да го избегнат поразот.
