Бугарската фудбалска репрезентација имаше страшна сообраќајна несреќа возејќи се од аеродромот до хотелот во Тбилиси. Најтешко помина фудбалерот Тодор Неделев кој итно е префрлен во болница каде бил опериран поради фрактура на черепот.
При оперативниот зафат му било извадено парче стакло.
„Добро е што Неделев е во стабилна ситуација. Мораше да се изврши итна операција, да се реагира брзо затоа што последиците можеа да бидат фатални. Парче стакло влегло многу длабоко. Тоа е отстрането со операцијата. Неделев останува во болница на натамошно лекување. Сите други се добри физички, но не и психички. Се се случи толку брзо и засега не можам да кажам кој е виновен“, изјави портпаролот на федерацијата, Виктор Игнатов.
