Македонскиот репрезентативен голман, Столе Димитриевски, ќе добие нов тренер. Валенсија е последна на табелата во Ла Лига, а по последниот натпревар викендов, кој заврши 2-2 на домашен терен, управата на клубот одлучи да му се заблагодари на досегашниот тренер.
Рубен Бараха доби отказ, и клубот ќе добие нов тренер. Сè уште нема ниту шпекулации за тоа кој би можел да го замени, но кој и да биде, веројатно не може да биде полошо од сегашната ситуација.
Валенсија ја започна сезоната катастрофално, последна е на табелата и ќе биде потребна сериозна работа за да обезбеди опстанок.
