Словенецот со српско потекло Славиша Стојановиќ денеска и официјално беше промовиран на клупата на репрезентацијата на Летонија. Па, промоцијата веднаш очекувано беше искористена и за соопштување на списокот на националниот тим за престојниот старт на квалификациите за ЕП 2020.
Стојановиќ повика вкупно 28 фудбалери за двата мартовски натпревари, најпрво против Македонија во Скопје на 21. март а потоа и против Полска на домашен терен на 24. март. На списокот на Стојановиќ, за кого ова ќе биде прв собир на клупата на летонската репрезентација, се главно фудбалери од најдобрите домашни клубови Рига, Вентспилс и РФС, како и 11 интернационалци, без некое позабележително име.
СПИСОКОТ НА ЛЕТОНИЈА ЗА НАТПРЕВАРОТ ПРОТИВ МАКЕДОНИЈА:
ГОЛМАНИ: Андрис Ванинс (Цирих, Швајцарија), Павел Штеинборс (Арка, Полска), Каспарс Икштенс (РФС)
ОДБРАНА: Виталиј Максименко (Олимпија Љубљана, Словенија), Владислав Габовс (Рига), Каспарс Дубра (Иртиш Павлодар, Казахстан), Антониј Черномордијс (Рига), Виталиј Јагодинскис (РФС), Марчис Ош (Ксамакс, Швајцарија), Вадим Жулевс (Лиепаја), Антонс Куракинс (Рига), Игор Тарасовс (Сласк Вроцлав, Полска)
СРЕДЕН РЕД: Ритварс Ругинс (Рига), Кристерс Тоберс (Лиепаја), Олег Лаизанс (Рига), Јевгениј Казачокс (Вентспилс), Вјачеслав Исајевс (РФС), Јанис Икауниекс (Лиепаја), Андреј Циганикс (Камбур, Холандија), Денис Ракелс (Пафос, Кипар), Кристианс Торес (Лиепаја), Алексеј Вишнаковс (Рига), Роберт Савалниекс (РФС), Артур Зјузинс (РФС)
НАПАД: Артур Карашаускс (Рига), Валериј Шабала (Бјелско, Полска), Владислав Гутковскис (Ниеќаза, Полска), Роберт Улдрикис (Сион, Швајцарија)
