Французинката Стефани Фрапар е назначена за главен судија на натпреварот меѓу Костарика и Германија во третото коло од групната фаза. Таа ќе ја промени историјата и ќе биде првата жена која ќе биде главен судија на натпреварот од Светското фудбалско првенство за мажи.
На Стефани ќе и асистираат Нуса Бек од Бразил и Карен Диас Медина од Мексико.
Претходно, Фрапар беше четврти судија на мечот меѓу Мексико и Полска на Мундијалот.
Натпреварот меѓу Костарика и Германија е закажан за утре, со почеток во 20 часот.
