Македонскиот репрезентативец Стефан Ристовски доби црвен картон на дебито за Динамо Загреб, но, сепак одигра квалитетно додека беше на теренот, а „модрите“ го добија дербито против Осијек на „Максимир“ со 1-0. Стрелец на победничкиот гол за Динамо Загреб беше Мислав Оршиќ во 15.минута од мечот.
Стефан Ристовски во вториот дел доби два жолти картони во период од пет минути. Во 72.минута пожолте, а пет минути подоцна заработи уште еден жолт картон и беше исклучен. Аријан Адеми беше еден од најдобрите во составот на Динамо Загреб на дербито против Осијек.
Динамо Загреб со овој триумф се одлепи со три бода позитива во однос на Осијек на врвот на табелата во хрватското првенство.
