Македонскиот фудбалски репрезентативец Стефан Деспотовски официјално ќе остане во српската Суперлига, откако потпиша нов двегодишен договор со ОФК Белград.
22-годишниот дефанзивец, кој оваа пролет покриваше повеќе позиции во одбраната, се наметна како еден од клучните играчи во стабилната дефанзивна игра на белградскиот клуб. Неговите настапи не останаа незабележани, па интерес за него покажале клубови од Русија и Белгија. Сепак, раководството на ОФК Белград реши да го задржи и го обезбеди неговиот потпис со нов договор.
Неговите одлични игри не останаа незабележани и од селекторот Благоја Милевски, кој ќе го повика во А-тимот за претстојните квалификациски мечеви со Белгија и со Казахстан.
