Тренерот на Црвена Звезда, Дејан Станковиќ, би можел да го напушти српскиот првак на крајот од сезоната. Италијанските медиуми откриваат дека Станковиќ бил во Милано каде што водел финални преговори со претседателот на Сампдорија, Масимо Фереро.
Клаудио Раниери на крајот од сезоната ќе ја напушти Сампдорија, а Станковиќ е главен кандидат за негов наследник. Тој одлично го познава Калчото, со оглед дека цели 15 години беше во Италија како фудбалер на Лацио и на Интер.
Црвена Звезда беше негов прв тренерски предизвик, го положи повеќе од успешно и сега би можел да се врати во Серија А како нов стратег на Сампдорија.
