Тажна вест од Србија – поранешниот голман на Партизан, Радиша Илиќ, извршил самоубиство, скокајќи од тераса, објавија утринава српските медиуми.
Илиќ имаше 47 години и во Партизан бранеше во два наврати – од 1998 до 2003 и од 2010 до 2013 година. Во тој период освои пет шампионски титули и два Купа на Србија, односно Србија и Црна Гора. Кариерата ја започна во Слобода Ужице, а настапуваше и за Национал Букурешт, Борац Чачак, ОФК Белград и Пансераикос.
За репрезентацијата на Србија одигра еден натпревар – пријателскиот дуел против Македонија на 6 февруари 2008 година во Скопје, кој заврши 1-1.
По завршувањето на играчката кариера, Илиќ премина во тренерските води. Беше дел од стручниот штаб на српската репрезентација под водство на Славољуб Муслин и еден период работеше како тренер на голманите во Партизан.
