Сребро за Македонија на ЛОИ во Токио: Браво за “златното момче” Дејан Георгиевски

Македонскиот “лав” Дејан Георгиевски го освои сребрениот медал во таеквондо на Олимписките Игри во Токио. Ова е најголемиот успех за македонскиот спорт од независноста, а Дејан Георгиевски е првиот роден Македонец кој носи олимписко сребро.

Тој во големото финале во категоријата над 80 килограми загуби од Владислав Ларин од Русија со 15-9.

По првата рунда Ларин имаше водство од 2-0, а потоа се разгоре финалето и втората донесе многу поени (9-7), но и понатаму предноста беше за противникот.

Во третата решавачка рунда сепак Владислав Ларин успеа да направи голема предност и славеше со 15-9.