Реал Мадрид и Атлетико играат полуфинален натпревар од шпанскиот Суперкуп во Саудиска Арабија, а пред овој натпревар се случи навистина непријатна сцена.
Минутата молк, која беше посветена на легендарниот Франц Бекенбауер, беше растурена со свирежи.
Легендата на светскиот и германскиот фудбал Франц Бекенбауер почина на 7 јануари на 78-годишна возраст. Смртта на славниот Кајзер го растажи фудбалскиот свет и му беше оддадена последната почит.
Сепак, тоа што се случи вечерва во Ријад на натпреварот од Суперкупот на Шпанија меѓу Реал и Атлетико е навистина одвратно. Додека сите на теренот стоеја мирно и оддаваа почит на легендата на Баерн, германскиот и на светскиот фудбал, од трибините се слушаа извици и свирежи.
