Спектакл за Адеми: „Секој пат срце на терен – благодариме за сѐ, капитене!“

Малку се или можеби и воопшто ги нема, фудбалери како Аријан Адеми во историјата на хрватскиот гигант Динамо Загреб. Тој денеска го игра 373. натпревар во дресот на „модрите“ и се збогува со клубот за кој играше 11 години, а кариерата ќе ја продолжи во кинескиот Пекинг Гуан.

Капитенот на Динамо Загреб и македонски репрезентативец Аријан Адеми денеска го игра последниот меч, а доби огромен аплауз од најверните навивачи, „Бед Блу Бојс“ и транспарент кој најдобро го отсликува неговиот борбен дух: „Секој пат срце на терен – благодариме за сѐ, капитене!“

Претседателот на Динамо Загреб, Мирко Баришиќ и претседателката на управата, Влатка Перас, му дадоа пригодни признанија.