Наполи успеа да постигне два гола во судиското продолжение и да направи пресврт за победа од 2-1 против Парма, откако дефанзивецот Енрико Дел Прато мораше да застане на голот на гостите. Голманот Сузуки беше исклучен во 76. минута поради втор жолт картон, а Парма веќе ги искористи сите замени, па не можеше да воведе нов голман.
Дел Прато го презеде неговото место на голот.
Ромелу Лукаку израмни на 1-1 во 92. минута, а пет минути подоцна Ангиса го постигна победничкиот гол за тимот на Антонио Конте.
Парма поведе во 19. минута со пеналот на Бони.
Лацио и Милан одиграа интересен натпревар на „Олимпико“ во Рим, кој заврши нерешено 2-2. Павловиќ обезбеди предност за Милан во осмата минута, но Лацио направи пресврт во вториот дел со головите на Закањи и Диа. Рафаел Леао одговори со гол во 72. минута за конечни 2-2.
