Борусија Дортмунд славеше убедлив триумф (2-5) на гости против Херта, а во главна улога беше Ерлинг Халанд. Норвешкото голгетерско чудо постигна четири гола, а неговиот тренер Лусиен Фавр и не ги изброи најдобро. Можеше да постигне можеби и повеќе доколку не беше заменет, а на негово место во игра влезе новиот суперталент на „милионерите“, 16-годишниот Јусуфа Мукоко.
„Можев да постигнам и повеќе доколку шефот не ме повлечеше од игра. Малку сум му лут, но ќе ми помине“, изјави во шега Ерлинг Халанд по натпреварот.
