Крилниот напаѓач на Тиквеш, Едиз Спахиу, одигра одличен натппревар против Силекс, го постигна победничкиот гол за пласман во елитата и влезе во окото на селекторот на фудбалската репрезентација до 21 година, Благоја Милевски. Тој доби дополнителен повик да се појави на денешниот тренинг на младиот национален тим и ќе биде дел од кампот кој ќе биде заокружен со пријателски натпревар против селекцијата на Словенија во Терме Чатеж на 3 јуни.
Спахиу досега има настапи за младата селекција до 19 години. Тој од Гостивар во зимскиот преоден рок го засили Тиквеш.
