Селекторот на фудбалската репрезентација на Словенија, Матјаж Кек, е позитивен на коронавирус и нема да ја води селекцијата на гостувањето против Норвешка во Лигата на нации. Потоа веројатно ќе го пропушти и дуелот против Србија, соопшти Фудбалскиот сојуз на Словенија.
На кормилото на селекцијата ќе биде неговиот асистент и поранешен капитен на репрезентацијата, Боштјан Цезар.
Натпреварот меѓу Норвешка и Словенија се игра вечерва во Осло од 20.45 часот, а потоа Словенија на 12 јуни ѝ гостува на Србија.
