Чешкиот гигант Славија Прага има интерес за Иван Николов, капитенот на фудбалската репрезентација на Македонија до 21 година, откриваат данските медиуми. Според „Типсбладет“, тимот на Николов, Сондерјиске, утре во Португалија ќе игра пријателски натпревар против Славија Прага, а во фокусот на чешкиот тим ќе биде токму настапот на македонскиот играч за врска.
Славија Прага наводно подолг период ги следи настапите на Иван Николов, а има и одлични релации со Сондерјиске, со оглед дека во 2021 година го остварија трансферот на Александер Бах, кој само една сезона подоцна се пресели во Бенфика.
