Славчо Војнески кандидат за нов тренер на турскиот Ерзурумспор

Македонскиот стратег Славчо Војнески одлично котира во турскиот фудбал. Неговото име се споменува како еден од најсериозните кандидати за нов тренер на турскиот прволигаш Ерзурумспор.

По заминувањето на Исмаил Картал, раководството на Ерзурумспор е во потрага по нов шеф на стручниот штаб. Во опција се неколку имиња од Турција, како и Славчо Војнески, кој во изминатиот период работеше во неколку турски клубови.

Ерзурумспор се наоѓа на 19. позиција во турскиот шампионат по 30 одиграни кола и се бори за опстанок во елитата.