Славчо Војнески донесе историска, прва победа за Пахтакор во азиската Лига на шампиони

Македонскиот стратег Славчо Војнески реди успеси со тимот на Пахтакор. Откако го освои Суперкупот на Узбекистан, овој клуб го почна настапот во азиската Лига на шампиони и стигна до историската, прва победа.

Војнески оствари историски триумф за Пахтакор (0-1) против претставникот на Саудиска Арабија, Ал-Тавон. Стрелец на победничкиот гол за Пахтакор беше Којимат Еркинов во 68.минута. Војнески го внесе овој играч на теренот 15 минути претходно правејќи ја клучната замена.