ФК Скопје е на дното на прволигашката табела со само една победа досега во шампионатот и пет освоени бода, па тимот на Славчо Георгиевски мора да почне да собира бодови доколку сака да обезбеди опстанок.
Силекс дојде од Втората лига, но е едно од најпријатните изненадувања оваа сезона, заедно со лидерот Струга ТЛ, и веќе нанижа 22 бода на своето конто.
Оттаму јасно е дека кратовци се фаворити на денешниот прв натпревар од 14. коло во Првата фудбалска лига што ќе се одигра на „Автокоманда“ од 13 часот.
Останатите натпревари од 14. рунда во ПМФЛ се закажани за утре.
