Струга Трим Лум заглави на „Автокоманда“ и одигра само 1-1 против ФК Скопје. Тоа го искористи Шкупи кој ја декласира Победа во Прилеп со 0-6.
Бесарт Ибраими во 15.минута донесе предност за Струга ТЛ, а Скопје израмни со голот со глава на Мусинга Муасо во 87.минута од дуелот.
Шкупи мина како казнена експедиција низ Прилеп и постигна шест гола.
Сандеј Адетунџи и Ренадо Цефас постигнаа по два гола, а во листата на стрелците се запишаа и Фреди Алварез и Мамаду Данфа.
Брегалница ја совлада Македонија ЃП во Штип со 2-1. Ѓорѓиев во 51.минута го отвори резултатот, а Иван Николов во 64.минута постигна втор погодок за триумф на штипјани.
Академија Пандев и Работнички ремизираа без голови, а „романтичарите“ имаа неколку одлични шанси за погодок. Рушевиќ и Мазари ја погодија рамката од противничкиот гол, но мрежите мируваа.
Во Кавадарци, Тиквеш и Силекс исто така одиграа без голови.
