Аргентинската фудбалска федерација официјално објави дека Лионел Скалони ќе остане селектор на националниот тим до 2026 година.
Младиот стручњак ја предводеше селекцијата до светската титула на Светското првенство во Катар минатата година и сосема логично ќе остане на својата позиција уште четири години. Така, Скалони ќе биде тренер на „албицелесте“ на следниот светски шампионат.
Тој е на чело на тимот од август 2018 година, кога го замени Хорхе Сампаоли.
