Манчестер Сити го победи Тотенхем со 4-2 со голем пресврт во второто полувреме кога ги постигна сите четири гола. Сега има пет бода негатива во однос на лидерот Арсенал и еден одигран меч повеќе.
Дејан Кулушевски во 44.минута и Емерсон Ројал во следната минута, го шокираа тимот на Пеп Гвардиола со два гола пред полувремето.
Но, Манчестер Сити е силен и го покажа тоа во вториот дел. Хулијан Алварез и Ерлинг Халанд израмнија за три минути (51. и 53.), а Ријад Махрез се погрижи за целосен пресврт во 63.минута.
Во 90.минута, Махрез го потврди триумфот со својот втор гол.
