Манчестер Сити и Брајтон одиграа возбудлив натпревар кој заврши нерешено 2-2, што ја компликува позицијата на „граѓаните“ во трката за пласман во Лигата на шампионите.
Ерлинг Халанд го отвори резултатот во 11. минута со прецизно изведен пенал, но Первис Еступињан израмни со прекрасен слободен удар десет минути подоцна. Омар Мармуш повторно ја врати предноста на Сити во 39. минута, но автоголот на Абдукодир Кусанов на почетокот на второто полувреме го постави конечниот резултат.
Во другите натпревари, Нотингем Форест славеше на гости кај Ипсвич со 2-4, при што Ентони Еланга постигна два гола. Евертон и Вест Хем ремизираа 1-1, додека Вулверхемптон оствари важен триумф од 1-2 на гости против Саутемптон.
