Тренерот на Атлетико Мадрид, Диего Симеонe, е задоволен што неговиот тим победи против Гранада со 3-1 и добро ја започна сезоната во Ла Лига.
„Сите тимови во Ла Лига се силни и генерално првенството е многу тешко. Гранада одигра добро. Нашите замени ни дадоа сила и самодоверба на крајот од натпреварот. Се надевам дека Мората ќе постигне многу голови. Имаме големи надежи за него, Депај, Кореа, Гризман и Караско. Среќен сум за Мемфис, тој знае дека мора да вложи сериозни напори и тоа го прави“, изјави Симеоне.
„Жоао Феликс? Тој е дел од тимот и знае што се бара од него. Ако е подобар од Мората и од Депај, ќе игра. Повредата на Коке е проблем, но Пабло Бариос и Аксел Витсел можат да се справат со таа позиција“, објасни Чоло.
„Нашата цел оваа сезона? Секој тим сака да биде шампион. Мислам дека не кажувам ништо чудно“, додаде Аргентинецот.
