Силекс по повеќе од две децении повторно ќе игра во финалето на Купот на Македонија. Кратовскиот тим го совлада Струга Трим Лум со 0-1, со голот на Ристе Каракамишев во 81.минута. Тој одлично се снајде во шеснаесетникот по слободниот удар од левата страна и со удар со глава ја затресе мрежата на Струга ТЛ.
Силекс постигна гол и во првото полувреме преку Пепи Ѓоргиев, но не беше признат поради наводна офсајд позиција.
Силекс во финалето ќе ги одмери силите со Академија Пандев, која вчера оствари триумф (1-3) против Македонија ЃП во Ѓорче Петров. И во второто полуфинале, гостите славеа и изборија пласман во големото финале на најмасовното фудбалско натпреварување.
Ќе биде тоа четврто финале за Силекс, но прво по повеќе од две децении. Силекс има две титули во куп-натпреварувањето.
