Силекс ја забележа третата победа од стартот на првенството, вклучувајќи го и службениот триумф против Шкупи, откако денеска славеше со 3-0 против Македонија ЃП во Кратово. Тимот на Александар Васоски сега има максимални девет бода и гол-разлика 11-0.
Португалскиот интернацооналец Мигел Пиреш го отвори резултатот во корист на Силекс со погодокот во 23.минута.
Мартин Мирчевски во 49.минута постигна втор погодок за домаќинот и го трасираше патот до победата, а во финишот Силекс стигна и до конечни 3-0. Стрелец беше младиот Матевски.
