Силекс подобар од Лачи на тестот во Охрид

Новиот Силекс е подготвен за меѓународна сцена, барем ако се суди според пријателскиот натпревар против албанскиот тим Лачи. Кратовци славеа со 1-0 на тестот во Охрид со голот на Дарко Алексовски пред крајот на првото полувреме.

Ова е прва победа за составот на Горазд Михајлов откако во првата контрола загуби од Теута со 0-1.

Силекс испадна од елитата и во претстојната сезона ќе се натпреварува во Втората лига Запад.