Грчкиот гигант Олимпијакос донесе одлука за нов тренер. На клупата се враќа шпанскиот стратег Мичел кој го предводеше овој тим и во периодот од 2013 до 2015 година.
Меѓу кандидатите за тренер на Олимпијакос се споменуваа Лорен Блан и Рафа Бенитез, но раководството на клубот се одлучи за Мичел на кого добро му е позната работата во тимот од Пиреја.
Мичел ќе добие двегодишен договор и ќе треба да ги исправи работите по лошиот старт на сезонара. Олимпијакос моментно е петтопласиран во грчкиот шампионат, со само две победи во првите пет натпревари.
Во тимот се две големи ѕвезди, Марсело и Хамес Родригез кои во минатото го носеа дресот на Реал Мадрид.
