Реал мадрид ги однесе трите бода од гостувањето кај Елче по победата од 2-1 во 12-то коло од шпанската Ла Лига. Двоен стрелец на натпреварот беше ѕвездата во подем на “кралскиот клуб”, Винисиус. Само 22 минути му беа потребни на Бразилецот за да се запише во листата на стрелци откако остана сам во шеснаесетникот на голманот Кико Касилја.
Натпреварот мируваше, како и мрежите на двајцата голмани, се до втората половина од второто полувреме. Во 73. минута, Лука Модриќ со одлично додавање го пронајде младиот напаѓач, за тој да го постигне својот втор погодок на натпреварот. Со ова, Винисиус се искачи на втората позиција на најдобри стрелци во Ла Лига со седум гола, втор веднаш зад Карим Бензема кој досега има постигнато девет.
За конечниот резултат од 2-1 се погрижи Пере Милја, кој искористи една неверојатна грешка на одбраната на гостите, за да го постигне својот втор погодок сезонава.
