Наполи оствари убедлив триумф (4-1) над Салернитана на стадионот „Диего Армандо Марадона“, а македонскиот репрезентативец Елиф Елмас одигра одличен меч и имаше своевидно шоу. Со рамо асистираше за првиот гол на Хуан Жесус во 17.минута, а потоа изнуди и пенал со соло продор што пред самиот крај на првиот дел го реализираше Дрис Мертенс.
Амир Рахмани беше стрелец на третиот гол за „наполитанците“, а серијата ја затвори Лоренцо Инсиње повторно од пенал. Единствениот гол за Салернитана го постигна Федерико Бонацоли.
