Connect with us

Шок за Барселона: Ла Лига не дозволува да го потврди новиот договор на Гави

Барселона се надеваше дека ќе се засили во јануари пред вториот дел од сезоната, а по заминувањето на Мемфис Депај во Атлетико Мадрид. Сепак, раководството на Ла Лига е на мислење дека овој месец не може да има нови засилувања во клубот поради оптовареноста на финансискиот фер-плеј на клубот.


Шефовите на Ла Лига дури открија дека постои можност новите договори на Гави и на Роналд Араухо да не бидат регистрирани и покрај тоа што Жерар Пике од среда официјално повеќе не е играч на Барселона. Сепак, дефанзивецот сѐ уште е на документите на Ла Лига и покрај тоа што објави дека се повлекува од фудбалот во ноември.

Барса сега е поблиску до правилото 1/1 усвоено од Ла Лига за трансфери. Ла Лига сѐ уште верува дека Барселона нема финансии на располагање за да го официјализира новиот договор на Гави, што е приоритет на клубот.

Ла Лига вели дека клубот нема ни да ги има потребните средства во текот на летото, што значи дека треба да разработи план со раководството на лигата за да покаже дека ја подобрува финансиската состојба. Откако Ла Лига ќе се увери во ова, тогаш Барселона би добила одобрение да ги регистрира новите договори на Гави и другите првотимци.

Advertisement
Advertisement
Advertisement

Facebook

Тимови