Актуелниот македонски првак Шкупи се одлучи за промена на тренерската позиција. Вторпат оваа сезона Гоце Седлоски заминува од кормилото на клубот.
На почетокот на сезоната, кога исто така имаше криза на резултатите, Седлоски замина, но многу брзо се врати на Чаир и потпиша нов договор. Сега повторно Шкупи е во криза, откако никако не успева да се искачи на врвот на табелата во трката со есенскиот првак Струга Трим Лум.
Раководството на Шкупи има десетина дена да одлучи за новото име на клупата, со оглед на првенствената пауза поради репрезентативните настапи.
