Македонскиот прволигаш Шкупи донесе одлука за разделба со двајца фудбалери, левото крило Фатјон Јусуфи и левиот бек Дарко Глишиќ. Двајцата заминуваат од Чаир со спогодбен раскин на договорот.
Јусуфи дојде во Шкупи во летото 2019 година од ерменскиот клуб Ширак, претходно беше и во Партизани Тирана, а во Македонија настапуваше за Ренова.
Дарко Глишиќ од јануари минатата година го носи дресот на Шкупи, претходно беше член на бугарските клубови Арда и Септември, како и во шампионската генерација на Вардар.
