Лидерот на табелата во македонскиот шампионат, тимот на Шкупи, денеска напладне ќе има европски тест за своите можности. Шкупи ќе одигра пријателски натпревар со турскиот гигант Бешикташ. Мечот е закажан за 12 часот на стадионот „Водафон парк“ во Истанбул.
Тимот на Гоце Седлоски е неприкосновен лидер во Првата фудбалска лига, а овој меѓународен пријателски натпревар е почеток на подготовките за европските искушенија кои ќе следат следното лето. Иако во некомплетен состав, без младинските репрезентативци, Али Адем, Марко Ѓорѓиевски и Блертон Шеји, како и без повредениот капитен Фатих Исмаили, фудбалерите на Шкупи ќе се потрудат да се претстават во убаво издание на овој пријателски меч.
Тимови
