Лидерот на табелата во Првата лига, тимот на Шкупи, преговара со неколку квалитетни засилувања кои треба да пристигнат на Чаир, но им дава шанса и на младите фудбалери од сопствената академија. Во првотимец е унапреден Омер Сулејман, 16-годишниот фудбалер кој почна да тренира со сениорскиот тим.
„Ми се оствари сонот, конечно да станам дел од првиот тим на мојот клуб. За мене е чест да учам од тренер како Гоце Седлоски и од други играчи со големо фудбалско искуство“, изјави Омер Сулејман за официјалниот сајт на клубот.
