Шкупи го промовираше Бразилецот Куевен Инсаио

Куевен Да Силва Инсаио официјално е нов играч на Шкупи. Клубот денеска го промовираше 23-годишниот Бразилец кој потпиша двегодишен договор.

Тој доаѓа од тимот на Атлетико Монте Азул. Инасио, пред неколку години играл и во Грција, за тимот на АОК Керкира.

„Многу сум среќен и мотивиран да играм во овој тим. Ќе работам напорно и ќе дадам се од себе за овој дрес. Намерите на Шкупи се јасни и затоа сум тука. Ќе се бориме да станеме шампиони и ќе се погрижиме нашите навивачи да бидат среќни и горди на својот тим“, изјави Инасио по промоцијата.

Куевен да Силва Инасио в сабота со тимот ќе патува на подготвките во Анталија.