Македонскиот прволигаш Шкупи го доведе бразилскиот интернационалец Дуду Сампајо. Се работи за 24-годишен фудбалер кој игра како офанзивен играч за врска, а добро се снаоѓа и како напаѓач.
Сампајо потпиша двегодишен договор со Шкупи и се приклучи на тренинзите на тимот.
„Сакам да му се заблагодарам на раководството за можноста да дојдам во овој клуб. Доста сум мотивиран, дојдов тука да дадам сѐ од себе за да му помогнам на тимот и да ги оствариме нашите цели за оваа сезона“, изјави 24-годишниот Бразилец.
