Македонскиот прволигаш Шкупи продолжува со засилување на тимот за пролетниот дел од сезоната. Нови членови на тимот од Чаир кој има шампионски амбиции се Сенегалците Алберт Бугазели – Бебето и Фаустин Сенгор. Тие беа на пробен период во составот на Шкупи, а денеска потпишаа договори со клубот.
Бугазели (24) игра на позицијата десно крило и досега има настапувано во првенството на Сенегал, а во 2019 година запиша и четири настапи за националниот тим.
Фаустин Сенгор (27) е играч од средниот ред кој доаѓа од Челик Зеница, а најголем дел од кариерата ја мина во редовите на сенегалскиот шампионат Каза Спорт.
