Македонскиот првак Шкендија се засили со поранешниот младински репрезентативец, Имран Фетаи. Тој треба да ја зголеми конкуренцијата во одбранбената линија на тимот, потпишувајќи тригодишен договор.
Фетаи, кој игра на централната дефанзивна позиција, повторно се враќа во дресот на тетовци. Тој беше дел и од Гостивар, Тиквеш и Беса, а сега на голема врата се враќа во редовите на Шкендија.
Истовремено, Шкендија објави дека клубот се раздели со искусниот дефанзивец Стефан Коцев.
