Актуелниот првак Шкендија доведе нов напаѓач. Како што веќе најави МАКФУДБАЛ, албанскиот интернационалец Синдрит Гури е новото име во нападот на Шкендија и замената за Бесарт Ибраими. Тој потпиша едногодишен договор со Шкендија, со можност за продолжување на соработката за уште една година.
Синдрит Гури доаѓа како слободен агент, откако претходно го раскина договорот со белгискиот клуб Остенде. Пред тоа, Гури играше во албанската Суперлига каде беше дел од екипата на Кукс и постигна 21 гол на 17 натпревари.
„Кога дознав дека можам да дојдам во Шкендија, веднаш добив желба што побрзо да дојдам во Тетово и да потпишам. Многу сум среќен што ќе се приклучам на тим како Шкендија која има армија свои навивачи. Мислам дека ова е вистински момент во мојата кариера да дојдам во клуб кој игра напаѓачки фудбал. Знам дека Шкендија е актуелен шампион и има амбиции и оваа година да се бори за титулата“, изјави Синдрит Гури за официјалниот сајт на Шкендија.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski