Македонскиот репрезентативен голман Дамјан Шишковски за следна дестинација во кариерата ја одбра БиХ. Тој е пред потпис со Борац Бања Лука, еден од елитните клубови во шампионатот на оваа земја.
Шишковски до пред неколку дена беше член на Арарат од Ерменија, откако претходно неколку сезони мина на Кипар.
Интересно е дека ова лето тројца репрезентативни голмани го променија клубот. Столе Димитриевски од Рајо Валјекано се пресели во Валенсија, а Дени Илиев го напушти Сараево и потпиша за романскиот тим УТА Арад.
