„Македонскиот“ дуел од кипарскиот шампионат заврши мирољубиво, но Шишко го „улови“ Тричко. Докса и АЕК Ларнака ремизираа без голови, а Дамјан Шишковски во 30.минута му одбрани пенал на Иван Тричковски. Во вториот дел се реваншираше и Берат Садик во 53.минута откако не реализираше пенал за домашната Докса.
Во редовите на Докса заигра и Дарко Глишиќ покрај стандарните Шишковски и Трајчевски, а во АЕК Ларнака настапија Тричковски и Спировски, со акцент дека во тимот се врати и Даниел Мојсов.
